ការបោះផ្សាយលក់ឯកតាមូលនិធិនៃគម្រោងវិនិយោគរួមដំបូងគេនៅកម្ពុជា

ការចែករំលេកនេះ បានបង្ហាញអំពី ដំណើរការបង្កើត ការចុះបញ្ជី និងដំណើរការបោះផ្សាយលក់មូលនិធិមូលបត្រកម្មសិទ្ធិអាស៊ី ប៊ីអេអឹមស៊ី (BAEF) ដែលជាមូលនិធិនៃគម្រោងវិនិយោគរួមដំបូងគេនៅកម្ពុជា ព្រមទាំងការអនុលោមតាមបទប្បញ្ញត្តិ ដំណើរការទទួលវិនិយោគិន និងបទពិសោធន៍ប្រតិបត្តិការក្នុងការគ្រប់គ្រងមូលនិធិ នៅក្នុងវិស័យមូលបត្រនៅកម្ពុជា។

សក្តានុពលនៃកំពង់ផែស្វយ័តក្រុងព្រះសីហនុ និងដំណើរទស្សនកិច្ច

ព្រឹត្តិការណ៍នេះ ប្រព្រឹត្តនៅ កំពង់ផែស្វយ័តក្រុងព្រះសីហនុ (ក.ស.ស.) ក្រោមអធិបតីភាពដ៏ខ្ពង់ខ្ពស់ ឯកឧត្តម លូ គឹមឈុន ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកនៃកំពង់ផែស្វយ័តក្រុងព្រះសីហនុ (ក.ស.ស.) និងឯកឧត្តម ហុង សុហួរ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃផ្សារមូលបត្រកម្ពុជា(ផ.ម.ក.) បានបង្ហាញអំពីសក្តានុពល និងប្រតិបត្តិការអាជីវកម្មរបស់កំពង់ផែ។

តស់! ជជែកអំពីការវិនិយោគ! ក្រោមប្រធានបទ ស្តីពី៖ គម្រោងវិនិយោគរួម (CIS)

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអ្នកចូលរួមទាំងអស់ ដែលបានចូលរួមវគ្គចែករំលែកចំណេះដឹងនៅថ្ងៃទី១៦ ខែមករា ឆ្នាំ២០២៦ នេះ នៅក្រុមហ៊ុន មូលបត្រ អេស៊ីលីដា ម.ក។ វគ្គនេះបានផ្តោតសំខាន់ទៅលើការបង្កើនការយល់ដឹងអំពីគម្រោងវិនិយោគរួម (CIS) និងតួនាទីដ៏សំខាន់របស់វាក្នុងការវិនិយោគរយៈពេលវែង។យើងខ្ញុំពិតជាមានសេចក្តីសោមនស្សរីករាយយ៉ាងខ្លាំង ដែលបានចូលរួមចំណែកក្នុងឱកាសចែករំលែកចំណេះដឹង និងបទពិសោធន៍ជាក់ស្តែងអំពីការវិនិយោគ ព្រមទាំងរួមចំណែកក្នុងការកសាងទំនុកចិត្តផ្នែកហិរញ្ញវត្ថុឱ្យកាន់តែរឹងមាំនៅក្នុងទីផ្សារកម្ពុជា។

តស់! ជជែកអំពីការវិនិយោគ និងចំណេះដឹងអំពីគម្រោងវិនិយោគរួម (CIS)!

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអ្នកចូលរួមទាំងអស់ នាថ្ងៃទី២១ ខែវិច្ឆិកា ឆ្នាំ២០២៥ ក្នុងកម្មវិធីដែលរៀបចំដោយក្រុមហ៊ុន មូលបត្រ អេស៊ីលីដា ម.ក។ ជាមួយនឹងសំណួរ ការចំណាប់អារម្មណ៏ និងការចូលរួមរបស់លោកអ្នក បានធ្វើឱ្យកម្មវិធីពិភាក្សាអំពីគម្រោងវិនិយោគរួមមួយនេះ បានក្លាយជាកម្មវិធីដែលមានទំនាក់ទំនងល្អ និងមានអត្ថន័យបន្ថែមទៀត។ យើងខ្ញុំពិតជាមានសេចក្តីសោមនសរីករាយយ៉ាងខ្លាំង ដែលបានចូលរួមចំណែកក្នុងឱកាសចែករំលែកចំណេះដឹងអំពីការវិនិយោគ និងការបង្កើនទំនុកចិត្តផ្នែកហិរញ្ញវត្ថុក្នុងសហគមន៍ទាំងមូល។