ក្រុមហ៊ុន បេនចារ៉ាន អ៊ែសេត មេនេចម៉ិន (ខេមបូឌា) ម.ក ចូលរួមវេទិកា “Trust Forum 2026”

ក្រុមហ៊ុន បេនចារ៉ាន អ៊ែសេត មេនេចម៉ិន (ខេមបូឌា) ម.ក មានកិត្តិយសបានចូលរួមវេទិកា “បរធនបាលកិច្ច ឆ្នាំ២០២៦” ក្រោមមូលបទ “បរធនបាលកិច្ចក្នុងជវភាពនៃប្រព័ន្ធតួអង្គតែមួយ និងសមិទ្ធផលក្នុងរយៈពេល ៥ ឆ្នាំ” ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ ដែលរៀបចំឡើងដោយនិយ័តករបរធនបាលកិច្ច កាលពីថ្ងៃទី៤ ខែកក្កដា ឆ្នាំ២០២៦ នៅសណ្ឋាគារ សុខា ភ្នំពេញ។

កាលានុវត្តភាព សក្តានុពល និងប្រព័ន្ធសុវត្ថិភាពនៃការវិនិយោគលើមូលនិធិនៃគម្រោងវិនិយោគរួមនៅកម្ពុជា

នៅថ្ងៃទី៧ ខែឧសភា ឆ្នាំ២០២៦ លោក Eric Loo នាយកប្រតិបត្តិ នៃក្រុមហ៊ុនបេនចារ៉ាន អ៊ែសេត មេនេចម៉ិន (ខេមបូឌា) ម.ក បានចូលរួមជាវាគ្មិនកិត្តិយសក្នុងកិច្ចពិភាក្សាស្ដីពី៖ "កាលានុវត្តភាព សក្តានុពល និងប្រព័ន្ធសុវត្ថិភាពនៃការវិនិយោគលើមូលនិធិនៃគម្រោងវិនិយោគរួមនៅកម្ពុជា" នៃវគ្គបណ្តុះបណ្តាលនិងការប្រឡង និងកម្មវិធីអប់រំវិជ្ជាជីវ:បន្តក្នុងវិស័យមូលបត្រ លើកទី៣១ ដែលរៀបចំឡើងដោយ និយ័តករមូលបត្រកម្ពុជា (ន.ម.ក.) នៅមជ្ឈមណ្ឌលអភិវឌ្ឍន៍ធុរកិច្ច។

កម្មវិធីបណ្តុះបណ្តាលនិងការប្រឡង និងកម្មវិធីអប់រំវិជ្ជាជីវៈបន្តក្នុងវិស័យមូលបត្រ លើកទី៣១

នៅថ្ងៃទី៧ ខែឧសភា ឆ្នាំ២០២៦ លោក វាសនា មុនីរាជ បុគ្គលិកផ្នែកប្រតិបត្តិការ  នៃក្រុមហ៊ុនបេនចារ៉ាន អ៊ែសេត មេនេចម៉ិន (ខេមបូឌា) ម.ក បានធ្វើបទបង្ហាញស្តីពី៖ “ការគ្រប់គ្រងទ្រព្យសកម្ម និងមូលនិធិ” ក្នុងកម្មវិធីបណ្តុះបណ្តាលនិងការប្រឡង និងកម្មវិធីអប់រំវិជ្ជាជីវៈបន្តក្នុងវិស័យមូលបត្រ លើកទី៣១ ដែលរៀបចំឡើងដោយ និយ័តករមូលបត្រកម្ពុជា (ន.ម.ក.) នៅមជ្ឈមណ្ឌលអភិវឌ្ឍន៍ធុរកិច្ច។

ឱកាសនៃបរធនវិនិយោគអចលនវត្ថុនៃគម្រោងវិនិយោគរួម​នៅកម្ពុជា

បទបង្ហាញនេះ បានបង្ហាញអំពីឱកាស និងក្របខ័ណ្ឌបទប្បញ្ញត្តិទាក់ទងនឹង បរធនវិនិយោគអចលនវត្ថុនៃគម្រោងវិនិយោគរួមនៅកម្ពុជា ព្រមទាំងសក្តានុពលនៃគម្រោងវិនិយោគរួម ក្នុងការគាំទ្រការអភិវឌ្ឍទីផ្សារមូលធនកម្ពុជា និងបង្កើនភាពងាយស្រួលក្នុងការទទួលបានឱកាសវិនិយោគសម្រាប់វិនិយោគិនទូទៅ។

វគ្គបណ្តុះបណ្តាលស្តីពី “ការវិនិយោគឆ្លាតវៃ” នៅវិទ្យាស្ថានជាតិសង្គមកិច្ច

នាព្រឹកថ្ងៃទី១០ ខែមីនា ឆ្នាំ២០២៦ តំណាងក្រុមហ៊ុនបេនចារ៉ាន អ៊ែសេត មេនេចម៉ិន (ខេមបូឌា) ម.ក បានចូលរួមក្នុងវគ្គបណ្តុះបណ្តាលស្តីពី “ការវិនិយោគឆ្លាតវៃ” ដែលរៀបចំឡើងដោយ ក្រុមហ៊ុនមូលបត្រ អេស៊ីលីដា ម.ក ក្រោមកិច្ចសហការជាមួយ និយ័តករមូលបត្រកម្ពុជា (ន.ម.ក.) ដែលប្រព្រឹត្តនៅវិទ្យាស្ថានជាតិសង្គមកិច្ច។